Partneriteti Shqipëri – Serbi, rritet prania e bizneseve serbë në vend

Interesi i sipërmarrjeve serbe për t’u zgjeruar në vendin tone dhe për të krijuar partneritet me kompani shqiptare ka ardhur në rritje. Vetëm gjatë vitit që lamë pas bashkëpunimi mes dy shteteve në këtë fushë është rritur me rreth 10 për qind krahasuar me një vit më parë. Këtë e konfirmon edhe Presidenti i Dhomës së Tregtisë Serbe, Marko Cadez.

“Duke marrë parasysh faktin që në 4-5 muaj kam qenë në Tiranë disa herë, kjo flet shumë për marrëdhëniet që kanë dy shtetet. Gjatë 2016, kemi pasur rritje të bashkëpunimit me 10 për qind krahasuar me vitin 2015, kurse këtë vit presim një rritje të dyfishtë. Shqipëria ka avancuar në heqjen e barrierave mes dy vendeve dhe ne po përpiqemi të sjellim sa më shumë investitorë. Interesi është në fusha të ndryshme, infrastrukturë, ushqim, turizëm energjetikë”.

Dhoma e Tregtisë Shqipëri-Serbi, nga ana tjetër po bën promovimin e nevojshëm për kompanitë serbe, për të rritur edhe më shumë bashkëpunimin.

Më herët, dy bashkëpunime të reja u nënshkruan mes dy kompanive serbe dhe Shqiptarë në sektorin e ujit dhe atë energjetik.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.