Pas aeroplanit me energji diellore nënshkruhet marrëveshja për ndërtimin e avionëve elektrikë!

Australia e Jugut po shfaqet si vendi më i përshtatshëm për projekte aviacioni të avancuar, pasi një kompani lokale arriti të mbyllte një marrëveshje për të ndërtuar aeroplanë elektrikë vetëm disa ditë pas një tjetër momenti historik në vend.

Kjo marrëveshje e re vjen dy ditë pasi gjiganti britanik i mbrojtjes BAE Systems zbuloi se një avion ushtarak me energji diellore, pa pilot kishte përfunduar fluturimin e tij të parë në Woomera. Avioni diellor i qëndrueshëm në lartësi të lartë (PHASA-35) “ka potencialin për të qëndruar në ajër për një vit” pa prekur tokën, tha kompania.

Drejtori i inxhinierisë BAE Systems, Ian Muldowney tha se u deshën më pak se dy vjet që avionët të shkonin nga statusi i projektit në realizimin e fluturimit të parë në ajër në Woomera, në fillim të këtij muaji.

“Ky është një rezultat i jashtëzakonshëm që demonstron ritmin që mund të arrihet kur ne bashkojmë më të mirën e aftësive britanike,” tha Z. Muldowney. “Të kalosh nga dizajni në fluturim në më pak se dy vjet tregon se ne mund të ngrihemi në sfidën që Qeveria e Mbretërisë së Bashkuar i ka vendosur industrisë, pikërisht të sigurojë një sistem të ardhshëm luftarak ajror brenda dekadës së ardhshme.”

Avioni, i cili ka një gjerësi prej 35 metrash, është ndërtuar në bashkëpunim me filialin slloven të kompanisë Prismatic, tha BAE Systems. Ai tha se avioni ishte një “alternative e vazhdueshme dhe e përballueshme për satelitët” dhe mund të përdoret për mbikëqyrje dhe komunikime, përfshirë rrjetin 5G. Provat e mëtejshme të fluturimit janë planifikuar për më vonë këtë vit. (ABCBusiness)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.