Pas Borshit, Velipoja bëhet gati për turizmin – Shpallet tenderi për asfaltimin e zonës
Pas Borshit, Velipoja duket se po përgatitet për sezonin veror. Bashkia Shkodër ka shpallur një tender me fond 9.1 milionë lekë, për sistemim asfaltim të rrugëve të brendshme të fshatit.
“Qëllimi i projektit konsiston në rikualifikimin e elementëve të rrugës, krijimin e hapësirave më miqësore për funksionimin e kësaj rruge si infrastrukturë e mirëfilltë bashkëkohore dhe kthimin e saj në shërbim të komunitetit. Ndërhyrja në rrjetin nëntokësor, mbitokësor dhe në gjelbërim, rrit cilësinë dhe sigurinë e jetës së banorëve” specifikohet në dokumentacionin bashkangjitur tenderit.
Ndërkaq, nga ky projekt pritet të përfitojnë në mënyrë direkte 500 banorët e zonës.
Sipas tenderit të shpallur në Agjencinë e Prokurimit Publik, projekti do të manifestohet brenda një afati kohor 3 mujor, që nga nënshkrimi i kontratës me subjektin fitues.
Jenida Vladi/ SCAN
Lexo edhe:
Borshi përgatitet për sezonin veror! Bashkia shpall tenderin për ndriçimin me LED
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.