Pas dekretit të qeverisë Conte, reagojnë ndërmarrjet italiane: Do bëjmë grevë derisa të rishikohen kufizimet!
“Me këtë dekret lind një pyetje se nga urgjenca ekonomike po hyjmë në ekonominë e luftës”, paralajmëron presidenti i Confindustria, Vincenzo Boccia, pasi mbylljes së të gjitha aktivitetvet jo-thelbësore ekonomike. “70% e pëlhurës prodhuese italiane do të mbyllet”, “Nëse PBB është 1800 miliardë në vit do të thotë që prodhojmë 150 miliardë në muaj, nëse mbyllim 70% të aktiviteteve do të thotë që humbasim 100 miliardë çdo 30 ditë”, nënvizon ai gjatë një interviste për mediat italiane.
Manley, FCA do të konvertojë një fabrikë të grupit për të prodhuar maska mbrojtëse për fytyrën, tha CEO Mike Manley në një letër për punonjësit, të bërë publike nga Uilm. “Qëllimi – shpjegon ai – është që të fillojmë prodhimin në javët e ardhshme për mbi një milion maska në muaj të cilat do t’u dhurohen përgjigësve të parë dhe punonjësve të shëndetit”.
Ndërkohë punëtorët e ndërmarrjeve të përpunimit të metaleve të Lombardisë do të bëjnë grevë të Mërkurën 25 Mars për 8 orë. Këtë e njoftoi sekretari i përgjithshëm i Fim-Cisl, Marco Bentivogli. Vendimi, shpjegon ai, “u mor për ta konsideruar Lombardinë një rajon ku duhen masa më kufizuese për aktivitetet që të lihen të hapura”.
Ekzistojnë disa ndërmarrje në sektorin e hapësirës ajrore, ku u zhvilluan greva sot kundër dekretit të qeverisë i cili e zgjeroi më shumë listën e aktiviteteve të domosdoshme në krahasim me atë që ishtë rënë dakort me parë me sindikatat. Sipas raporteve të Fiom, punëtorët e Leonardo, Ge Avio, Fata Logistic System, Lgs, Vitrociset, MBDA, DEMA, CAM dhe DAR janë në grevë për momentin. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.