Pas dështimit në zgjedhjet europiane, Rumania kërkon dorëheqjen e liderit Dragnea
Rezultati negativ për partinë qeverisëse të Rumanisë, në zgjedhjet e Parlamentit Europian, e vendosi kryetarin e saj, kreun de facto të vendit, nën presionin për të dhënë dorëheqjen, duke përfshirë edhe disa anëtarë të partisë së tij.
Kreu i Partisë Social Demokratike Liviu Dragnea u zotua të marrë përgjegjësinë për rezultatin e dobët, por tha se çdo vendim që merr ai duhet të debatohet me anëtarët e partisë në ditët në vijim pas daljes së rezultateve zyrtare. Ai i hodhi poshtë thirrjet nga rivalët e tij, duke përfshirë presidentin Klaus Iohannis dhe partitë e opozitës, për dorëheqjen e qeverisë.
Partia e Dragnea mori rreth 25% në votim, duke ardhur pas Partisë Liberale të opozitës që shënoi një fitore me 28%. Opozita Save Romania Union, grumbulloi një 21% te papritur.
“Gjithmonë kam marrë përgjegjësinë për atë që kam bërë,” u tha Dragnea gazetarëve në Bukuresht. “Në asnjë rrethanë nuk duhet të heqim dorë nga qeverisja.”
Rumunët votuan për asamblenë e Bashkimit Evropian dhe për një referendum që mund të vendoste frenat në një rregullim të diskutueshëm të gjyqësorit, i cili është duke i çrrënjosur marrëdhëniet me bllokun. Pjesëmarrja ishte 49%, më e larta në katër zgjedhjet e Parlamentit Evropian në Rumani, krahasuar me 32% në 2014.
Dragnea, i cili mund rrezikojë burgun që në fillim të kësaj jave për një dënim korrupsioni që po lufton, u pengua të bëhej kryeministër për shkak të një çështjeje të mëparshme penale për përpjekjen për të rregulluar një referendum.
Burimi: Bloomberg
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.