Pas katër vitesh “të stuhishme”, Sekretari Amerikan i Shtetit shpreh mbështetjen për NATO-n: “Duam të ringjallim aleancën ”
Sekretari amerikan i Shtetit Antony Blinken u zotua të martën për të rindërtuar dhe ringjallur aleancën ushtarake transatlantike të NATO-s dhe për të ndarë planet amerikane për çdo tërheqje të mundshme nga Afganistani.
Duke folur në vizitën e tij të parë në selinë e NATO-s, Blinken tha se aleanca ishte në një moment kryesor në përballjen me kërcënimet në të gjithë botën, si dhe ndryshimin e klimës.
“Unë kam ardhur këtu për të shprehur angazhimin e palëkundur të Shteteve të Bashkuara (ndaj NATO-s),” u tha Blinken gazetarëve ndërsa u takua me Sekretarin e Përgjithshëm të NATO-s Jens Stoltenberg. “Shtetet e Bashkuara duan të rindërtojnë partneritetin tonë, para së gjithash me aleatët tanë të NATO-s, ne duam të ringjallim aleancën.”
Pas katër viet ‘përplasjesh’ me Uashington nën presidencën e Donald Trump, i cili tha se aleanca ishte e vjetëruar, aleatët evropianë të NATO-s gjithashtu kanë mirëpritur ndryshimin e tonit nën Presidentin e ri të SHBA Joe Biden.
Stoltenberg ka përcaktuar fushat ku NATO mund të modernizohet për një periudhë afatmesme – nga masat klimatike në financime më të qëndrueshme të operacioneve ushtarake – dhe ka nevojë për mbështetjen e SHBA. (Burimi: Reuters)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.