Pas ndërprerjes 5 ditore, Kuvendi i rikthehet diskutimeve të buxhetit 2019 e paketës fiskale! Java nis me seancë, pritet votimi final
Pas ndërprerjes 5 ditore si rrjedhojë e festave të nëntorit, Kuvendi do t’i rikthehet diskutimeve për paketën fiskale dhe buxhetin e vitit 2019. Diskutimet do të bëhen nen për nen dhe në tërësi, duke shënuar në këtë mënyrë edhe përmbylljen e procesit të nisur disa javë më parë.
Krahas ndryshimeve të paketës fiskale dhe buxhetit të vitit 2019, në rendin e ditës janë parashikuar edhe disa nisma të tjera ligjore si projektligji për sektorin e gazit natyror, votimi i një anëtari të bordit të komisionerëve të Entit Rregullator të Energjisë si dhe disa nisma ligjore të mbartura nga seancat e tjera, si statusi i gjyqtarëve dhe prokurorëve apo ndryshimet në kodin rrugor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.