Pas pothuajse një shekulli, zbulohet anija e zhdukur në mënyrë misterioze në Trekëndëshin e Bermudës!
Sipas njoftimit të një grupi studiuesish, janë gjendur përgjatë bregut të Floridas, pjesët e anijes së shkatërruar që në mënyrë misterioze humbi në Trekëndëshin e Bermudës gati 100 vjet më parë.
SS Cotopaxi, një avullore tregtare amerikane, e cila u nis nga Charleston, Karolina e Jugut më 29 nëntor 1925, e ngarkuar u zhduk pa lënë gjurmë përpara se të mbërrinte në destinacionin e saj përfundimtar, Havana, Kubë.
Fati i Cotopaxi dhe 32 personave në bord ka kohë që shqetëson ekspertët, dhe zhdukja e anijes është bërë një nga tregimet e famshme që lidhen me legjendën e Trekëndëshit, një rajon famëkeq i Oqeanit Atlantik Verior perëndimor, ku ndodhen disa anije dhe avionë që thuhet se kanë zhdukur në rrethana të çuditshme.
“Cotopaxi ishte në një udhëtim rutinë,” i tha Newsweek biologu detar dhe eksploruesit nënujor Michael Barnette. “Ajo ishte e destinuar për tregtinë e thëngjillit dhe ky ishte vetëm një udhëtim i radhës në fund të nëntorit të vitit 1925. Ne dimë se në atë udhëtim diçka ndodhi sepse ajo dha një mesazh ‘mayday’ në fillim të dhjetorit duke thënë se kishte probleme.
“Dhe që nga ai moment nuk pati më asnjë sinjal, kurrë nuk u gjetën mbeturina apo shenja të anijes. Asgjëkund nuk u gjendën kamerdare shëptimi, trupa ose materiale që mund të kishin rënë prej saj. Anija thjesht u zhduk pas asaj pike. Kështu që ne jemi përpjekur të përcaktojmë se çfarë ndodhi.”
Tani, pas gati një shekulli pasigurie dhe spekulimesh, ka dalë një shpjegim më realist. Barnette dhe kolegët thonë se ata kanë gjetur rrënojat rreth 35 milje larg bregdetit të Shën Augustini, në bregdetin verilindor të Floridas. Me provat e zbuluara nga Walters, Barnette dhe partneri i tij i zhytjes Joe Citelli vendosën të kryejnë një seri zhytjesh në Bear Wreck, në mënyrë që të kërkojnë një objekt që mund ta lidhë atë me Cotopaxi. Konkretisht, ata donin të gjenin një objekt me emrin e anijes në të, diçka që zakonisht gjendet në kambanën e anijeve.
Zbulime të tilla janë të rralla dhe përkundër përdorimit të mjeti të specializuar për të operuar nga distanca nën ujë, zhytësit nuk e gjetën atë që kërkuan, pjesërisht, sepse rrënoja është e mbuluar në sasi të mëdha të rëre.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.