Pas rihapjes së lokaleve dhe restoranteve AKU dyfishon kontrollet – Rreth 600 inspektime dhe 19 ton produkte ushqimore të asgjësuara në 24 orët e fundit
Trupat e inspektuese të Autoritetit Kombëtar të Ushqimit kanë dyfishuar kontrollet dhe monitorimet në të gjithë vendin pas rihapjes së lokaleve dhe restoranteve duke realizuar rreth 600 të tilla në vetëm 24 orët e fundit, në kuadër të Task-Forcës kundër përhapjes së COVID-19.
Sipas AKU në zbatim të Planit të Marrjes së Mostrave, janë marrë 30 mostra në të gjithë vendin, në fruta-perime për prani të mbetjeve pesticide, si dhe mostra për monitorimin e qumështit.
Gjithashtu AKU bën me dije se janë asgjësuar 19 ton produkte ushqimore të pasigurta për konsum human me kërkesë të vetë subjektit si dhe gjatë inspektimeve është vërejtur që bizneset ushqimore zbatojnë kushtet higjieno-sanitare të ushtrimit të aktivitetit, si dhe disponojnë dokumentacionin për sigurinë ushqimore.
Gjatë monitorime në kuadër të Task-Forcës në një pjesë të bizneseve, vijohet me këshillime dhe orientime për zbatimin me rigorozitet të protokollove të sigurisë, kundër përhapjes së COVID-19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.