Pas seancës maratonë, miratohet qeveria e re! Programi dhe emrat e “Rama 3” morën 77 vota pro, 53 kundër dhe 1 abstenim

Qeverisë Rama III i është dashur të presë përfundimin e një séance maratonë për të marrë në orët e para të mëngjesit të së premtes votëbesimin e Kuvendit. Seanca plenare maratonë e nisur të enjten në orën 10:00 ka përfunduar mëngjesin e së premtes pas orës 6.30.

Pas prezantimit të programit qeverisës nga Kryeministri Rama, ministrat e tij i janë përgjigjur pyetjeve të deputetëve për projektet e bëra publike, ndërsa seanca vijoi me debatet mbi programin. Programi dhe përbërja e qeverisë “Rama 3” morën 77 vota pro, 53 kundër dhe 1 abstenim.

Sapo kryeministri Edi Rama mori fjalën, deputetët e opozitës u larguan nga salla në mënyrë demonstrative. Ai u ndal te pikat kryesore të prgramit, ndërkohë që përsëriti ftesën për bashkëpunim për opozitën veccanërisht për reformën territorial dhe atë elektorale. Më të kundërt ato do të miratohen nga mazhoranca në bashkëpunim me popullin tha ai.

Qeveria “Rama 3” do të përbëhet nga 12 gra e 5 burra bashkë me kryeministrin teksa po shkon të betohet tek një President që ka marrë ‘vulën’ e shkarkimit nga Kuvendi i vjetër, por jo nga Gjykata Kushtetuese

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.