Pas vetingut, ndëshkimet, Gogu: Shkarkimi nga detyra nuk i shpëton dot të korruptuarit
Pas vetingut në sistemin e drejtësisë pritet të nisë shumë shpejt faza e dytë, ajo e ndëshkimeve. Këtë e ka deklaruar për mediat zëvendësministri i Drejtësisë Toni Gogu, duke marrë shkas nga një vendim të gjyqtares Herila Çela.
Gogu deklaroi se qeveria do të vazhdojë të mbështesë pa asnjë rezervë organet e reja të kontrollit të ecin me shpejtësi e në thellësi me procesin e Vetingut, duke kaluar në filtër jo vetëm pasurinë, por edhe vendimet haptazi në kundërshtim me ligjin.
Sipas zëvendësministrit asnjë prokuror apo gjyqtar i korruptuar nuk do ti shpëtoj ndëshkimit.
Zëvendësministri i ka kërkuar Këshillit të Lartë të Drejtësisë të shkarkojë gjyqtaren e cila nuk e ka për herë të parë shfaqjen në një pozicion tejet shqetësues në raport me ligjin
Deri më tani 21 gjyqtarë dhe prokurorë nuk e kanë kaluar dot procesin e vetingut duke mos u rikonfirmuar në detyrë. Ky proces spastrimi pritet të rinisë në shtator.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.