Pasaporta japoneze më e fuqishmja në botë – Shqiptarët renditen të 50-tët, lëvizin lirshëm drejt 115 vendeve
Japonia është renditur sërish në krye të listës si vendi me pasaportën me të fuqishme në vitin 2019. Është hera e dytë radhazi që kombi aziatik ka dalë në krye të indeksit, i cili rishikohet çdo tre muaj. Referuar raportit të Hanley & Partner, vendet aziatike kryesojnë edhe listën me qasjen më të madhe të udhëtimeve pa viza në botë.
Ndërkohë, vendet europiane po ashtu kanë performuar mirë në këtë drejtim, megjithëse Britania e Madhe vijon Të ulet në renditje. Ndërsa kjo e fundit ka vendosur të lërë Bashkimin Europian më 29 mars, mbetet për t’u parë se cilat do të jenë pasojat përfundimtare për qytetarët e BE-së dhe Britanisë sa i takon lëvizjes së lirë pa viza. Të njëjtin trend ka ndjekur gjithashtu edhe SHBA sipas të dhënave të Hanley.
Ndërkohë, sa i takon vendit tonë, indeksi e rendit atë në vendin e 50, ku qytetarët shqiptarë mund të lëvizin lirshëm pa viza drejt 115 vendeve në të gjithë botën.
Renditja bazohet në të dhënat ekskluzive nga Shoqata Ndërkombëtare e Transportit Ajror (IATA) dhe studimet e vazhdueshme të Departamentit të Henley & Partners Research Departamenti.
Pasaportat më të fuqishme në fillim të vitit 2019 janë:
- Japonia (190 shtete)
- Singapori, Koreja e Jugut (189)
- Franca, Gjermania (188)
- Danimarka, Finlanda, Italia, Suedia (187)
- Luksemburgu, Spanja (186)
- Austria, Holanda, Norvegjia, Portugalia, Zvicra, Mbretëria e Bashkuar, Shtetet e Bashkuara (185)
- Belgjika, Kanadaja, Greqia, Irlanda (184)
- Republika Çeke (183)
- Malta (182)
- Australia, Islanda, Zelanda e Re (181)
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.