Pashkët në kohë pandemie/ Papa Francesku: Jini lajmëtarë të jetës në kohë vdekjeje
Papa Francesku i bëri thirrje njerëzve që të mos i dorëzohen frikës dhe të përqëndrohen tek një mesazh i shpresës, ndërkohë që kryesoi kremtimin e Natës së Pashkëve, nga altari i boshatisur i Bazilikës së Shën-Pjetrit. Eventi, që zakonisht ndodh në kishë me mbi 10,000 persona, u ndoq nga dhjetra njerëz, për shkak të koronavirusit.
Në të gjithë botën, katolikët ndoqën meshat në kishat e boshatisura, të transmetuara në televizion apo në internet. “Mos u frikësoni, mos i’u dorëzoni frikës. Ky është mesazhi i shpresës që na është adresuar sot”, tha Papa Francesku.
Të gjithë aktivitetet e Javës së Shenjtë janë modifikuar dhe do të ndodhin pa pjesëmarrje nga publiku. Mesha e ditës së Diel zakonisht tërheq mbi 100,000 persona në Sheshin e Shën-Pjetrit. Këtë vit, u mbajt brenda kishës, me një mbledhje simbolike prej më pak se 20 personash.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.