Paskuqan, drejt përfundimit rruga “Demokracia”, u vjen në ndihmë 50 mijë banorëve

Projekti për rehabilitimin e plotë të rrugës “Demokracia”, rruga kryesore e Paskuqanit, është drejt realizimit të tij. Ndërtimi i rrugës “Demokracia” 7 kilometra nisi nga ura e Institutit Bujqësor në Paskuqan.

Kryetari i Bashkisë, Xhelal Mziu, ka inspektuar punimet e këtij investimi tejet të rëndësishëm që u vjen në ndihmë jo vetëm mbi 50 mijë banorëve të Paskuqanit, por edhe lidhjes së atyre që qarkullojnë përmes këtij aksi rrugor me Tiranën. Në projektin e hartuar nga specialistët e urbanistikës në Bashkinë Kamëz është parashikuar ndriçimi rrugor dhe gjelbërimi gjatë gjithë gjatësisë.

Ky segment rrugor i rëndësishëm për komunitetin e banorëve ka trotuare në të dyja anët si dhe është  pajisur edhe me sinjalistikë horizontale dhe vertikale.

Përveç këtij investimi, sipas njoftimit të Bashkisë së Kamzës, rreth 30 projekte të reja për vitin 2017 do të realizohen në Njësinë Administrative të Paskuqanit, për të bërë të mundur përmirësimin e dukshëm të infrastrukturës urbane në këtë zonë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.