Pastrimi i parave, Gjokutaj: Sekuestruam 9 mln euro, 7% më shumë raste të dyshimta për 2017
9 milion euro janë sekuestruar vitin e kaluar nga drejtoria e përgjithshme e parandalimit të pastrimit të parave nga 11.2 milion të bllokuara.
Gjatë raportimit vjetor në komisionin parlamentar të sigurisë për veprimtarinë e këtij institucioni, drejtori Arlind Gjokutaj, deklaroi se se gjatë viti 2017 janë referuar 401 raste të dyshuara për pastrim parash dhe janë lëshuar 52 urdhra bllokimi, kryesisht llogari bankare.
Sipas Gjokutaj, ajo që betet problem është mungesa e sistemit për trajtimin e pasurive të sekuestruara dhe mangësi në rregjistrimin e hetimeve paraprake.
I pyetur nga deputeti i PD Ervin Salianji nësë ka politikanë të përfshirë në pastrimin e parave gjokutaj u përgjigj se janë 13 raste të ekspozuar në politikë.
Nga të dhënat e vëna në dispozicion vihet re se kryeson trafiku i lëndëve narkotike me 46 raste, 16 raste për evazion fiskal, 15 për mashtrim, 13 për korrupsion dhe 9 për pastrim parash.
Gjokutaj theksoi rritjen me 40% të numrit të inspektimeve dhe 7% të rasteve të dyshimta krahasuar me 2016. Ndërkohë që për 2017-tën janë verifikuar 7000 persona për aktivitet të dyshmint për pastrim parash.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.