Pastrimi i Parave, PD: Na kthyet në zonën gri – Ligji i ri sjell përplasje në Kuvend, Koçi: U kthyem për çështje teknike, dalim shpejt
Ndryshimet në Ligjin për Pastrimin e Parave kanë sjellë përplasje në Komisionin Parlamentar të Sigurisë Kombëtare, më deputetët e Partisë Demokratike. Këta të fundit akuzuar se Qeveria riktheu Shqipërinë në listën gri të vendeve me risk të lartë për pastrim parash.
Kreu i Drejtorisë së Parandalimit të Pastrimit të Parave tha se Shqipëria u kthye në listën gri për rritje të efektivitetit, jo për mungesë të standardeve të mbikëqyrjes. Ai tha se bëhet fjalë për çështje teknike, dhe se pritet heqja e Shqipërisë nga kjo listë me adresimin e këtyre problematikave.
Disa prej ndryshimeve thelbësore të ligjit për pastrimin e parave zgjerojnë rrethin e zyrtarëve të cilëve do u verifikohen pasuritë, shtojnë vëmendjen e kriptovalutave, por detyrojnë edhe verifikimin e politikanëve të huaj që blejnë prona apo hapin llogari bankare në Shqipëri.
Shqipëria u hoq nga lista e vendeve me risk të lartë për pastrim parash në vitin 2015, për t’u rikthyer në shkurt të vitit 2020.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.