Pastrimi i rrugëve nga tabelat, drejt përfundimit aksioni në “Tiranë – Durrës” dhe “Shkozet – Plepa”, Qendro: Kush shkel Kodin Rrugor, ndjekje penale

Në kuadër të aksionit për pastrimin e akseve rrugore në të gjithë vendin, kreu i ARRSH, Afrim Qendro ka apeluar bizneset dhe qytetarët që të mos vendosin tabela, apo të mos kryejnë ndërtime të reja pasi çdokush që shkel Kodin Rrugor do të ndiqet penalisht përmes denoncimit që do të bëjnë kompanitë e mirëmbajtjes që operojnë në të gjitha akset kombëtare.

“Po vijojmë aksionin për pastrimin e rrugëve nga tabelat, reklamat, mjetet informuese, kioskat dhe të gjitha pengesat që kemi shpallur në fillim të aksionit. Po përfundojmë aksionin në aksin Tiranë- Durrës dhe Shkozet – Plepa. Dua t’iu bëj një thirrje të gjithë qytetarëve dhe bizneseve që të mos vendosin reklamat dhe pengesat që ne po i heqim, pasi do të vijohet me ndjekje penale pas denoncimeve që do të bëjnë kompanitë e mirëmbajtjes që operojnë në të gjitha akset kombëtare”, thotë Qendro.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.