“Pastrojmë Shqipërinë që duam” këtë fundjavë aksioni përqendrohet në Shkodër

“Shkodra asht dashni dhe meriton dashni”. Kështu shkruan ministri i Turizmit dhe Mjedisit, Blendi Klosi në një status në faqen e tij zyrtare në facebook ku lancon aksionin e tij të radhës ne kuadër te operacionit “Pastrojmë Shqipërinë që duam”.

“Edhe 2 ditë për të filluar aksionin tonë të pastrimit, rehabilitimit e gjelbërimit dhe Shkodër Lokja është ngritur e gjitha në këmbë. Dhurohen fidanë nga qytetarë, punohet për hapjen e gropave nga vullnetarët e EKO Mendje, strukturat tona vendore dhe shumë institucione të tjera publike e private.

Të shtunën & të dielën, më  20 – 21 Janar  pastrojmë të gjithë bashkë liqenin e Shkodrës, lumin Buna dhe Kir, e më pas japim kontributin tonë për pyllëzimin e Taraboshit me mbi 5700 pisha, gështenja dhe pemë dekorative. Sepse Shkodra, siç e thonë vetë banorët e saj, bukur dhe saktë “Asht Dashni”. Dhe kjo dashni ka nevojë për dashninë, punën e kontributin e secilit që të jetë e pastër dhe plot gjelbërim e ngjyra.”

Ministri Klosi i bën apel të gjithë qytetarëve, organizatave, institucioneve dhe bizneseve që të përfshihen në ketë aksion.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.