PBB e Turqisë në 3% – Performanca më e keqe në nëntë vite
Ekonomia turke u kontraktua në një nivel më të lartë se sa pritej, pothuaj 3.0 për qind në tremujorin e katërt të vitit 2018.
Kjo ishte performanca më e keqe e vendit në gati një dekadë, megjithatë, tregon qartë se kriza e monedhës së vitit të kaluar po kthehet në recesion. Turqia, një treg i madh në zhvillim që dikur shihej si një nga performuesit më të mirë nga investitorët ndërkombëtarë, pati një rritje prej më shumë se 7 për qind në 2017. Megjithatë, vitin e kaluar ajo u godit nga një rënie prej 30 për qind në vlerën e lirës (monedha turke).
Ekonomia u rrit 2.6 për qind në 2018, gjithashtu vlera më e dobët që nga viti 2009, sipas të dhënave të Institutit të Statistikave të Turqisë. Ajo krahasohet me një parashikim prej 2.55 për qind rritjeje në anketë. Të dhënat gjithashtu treguan se ekonomia ishte zgjeruar 1.8 për qind nga viti në vit në tremujorin e tretë, krahasuar me 1.6 për qind më parë.
Sektori i ndërtimit, u tkurr 8.7 për qind nga viti në vit, gjatë tremujorit të katërt, krahasuar me një tkurrje prej 6.4 për qind në sektorin e industrisë. Shpenzimet e konsumit të ekonomive familjare u ulën me rreth 9 për qind në tremujorin e fundit, duke treguar shenja të ngadalësimit të kërkesës së brendshme.
Burimi: Reuters
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.