PBB me një rënie 35 %, më shumë se përgjatë dy luftërave botërore / Mbretëria e Bashkuar do pësojë tronditje të rëndë ekonomike

Ekonomia e Mbretërisë së Bashkuar mund të ketë një goditje më të keqe sesa ka pësuar gjatë secilës Luftë Botërore si rezultat i koronavirusit sipas ‘rojes’ zyrtare të shpenzimeve kombëtare.

Zyra për Përgjegjësinë Buxhetore, organi i pavarur i cili analizon financat publike të Mbretërisë së Bashkuar, të martën, 14 prill, publikoi një skenar të mundshëm sipas të cilit PBB-ja e Mbretërisë së Bashkuar do të binte me 35% në tremujorin e dytë të këtij viti.

Sipas këtij skenari, i cili bazohet në karantimin që vazhdon për gjithsej tre muaj, me masa për distancimin shoqëror që vazhdojnë përtej kësaj, papunësia do të rritet nga 2.1 milion në 3.4 milion, që do të thotë 10% e njerëzve do të mbeten pa punë.

Ekonomia e Mbretërisë së Bashkuar do të rikuperohet shpejt nën këtë skenar, me PBB-në me rreth 25% në tremujorin e tretë dhe rreth 20% në të katërtin, pas relaksimit të pritshëm të masave të bllokimit dhe njerëzve që ktheheshin në punë.

Sidoqoftë, efekti i përgjithshëm në ekonominë e Mbretërisë së Bashkuar do të ishte një rënie prej 13% e PBB-së në vitin 2020, më keq sesa ajo që vuajti vendi në Luftën e Parë Botërore dhe Luftën e Dytë Botërore.

“Ne kemi nevojë për të adresuar situatën shëndetësore në mënyrë që të krijojmë një të ardhme të qëndrueshme për ekonominë.”, u shpreh institucioni. Ata thanë që parashikimi i OBR ishte “vetëm për qëllime ilustruese”.

D.B – SCAN

Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.