PD-LSI marrëveshje për zgjedhjet. 13 pika, rimëkëmbje të ekonomisë, integrim në BE

Partia demokratike dhe Lëvizja Socialiste për integrimi kanë nënshkruar marrëveshjen e koalicionit para zgjedhjeve parlamentare të 25 prillit. Në paktin me titull, Shqipëria shtëpia që fiton, renditen 13 pika që janë pjesë edhe e programit, që lidhen me rimëkëmbjen e ekonomisë, rivendosja e shtetit të së drejtës, integrimi në BE, etj.

Pak javë nga mbajtja e zgjedhjeve parlamentare të 25 prillit, partia demokratike dhe Lëvizja Socialiste për Integrim, kanë nënshkruar paktin e bashkëpunimit. Marrëveshja që titullohet Shqipëria shtëpia që fiton, është e përbërë nga 13 pika, që rregullojnë formën politike se si do të funksionojë koalicioni, ku theksohet se do të garohet me 2 koalicione. Elemente të tjerë lidhen me zgjedhjet por që janë edhe pjesë e programit politik, si rimëkëmbja ekonomike, rikthimi i shtetit të së drejtës etj.

“Sot është një ditë historike do ta quaja për LSI, dhe PD. Por më e rëndësishme do të ishte për të gjithë shqiptarët. Pasi bashkimi dhe konsolidimi i një koalicioni përballë një sekti kriminal dot ë jetë i domosdoshëm për shqiptarët. Sot LSI dhe PD janë bërë bashkë si aleatë kundër dështimeve të qeverise Rama. Sot dakordësohemi për të bashkuar forcat në shërbim të shqiptarëve. Partneriteti ynë tregon qartë se ndryshimi po vjen. Ditë më të mira ka për shqiptarët dhe për të gjithë kudo ku jetojnë. E di që do të ketë shumë prej atyre që LSI rritet nga elektorali i së majtës po një parti si ne, ku në thelb ka social demokracinë dhe bashkë me PD, dua të adresojë se ne si LSI dhe PD do të vijojmë të jemi dy entitete që të jemi me identitet e tyre. Do të vijojmë se në do të kemi kundërshtime. Por do të gjejmë frymën e bashkëpunimit, por do të vendosim për interesin e shqiptarëve para. Jemi të unifikuar. Ndryshimi është i paevitueshëm dhe ditë më të mirë ka për shqiptarët.” – u shpreh Monika Kryemadhi, kryetare e LSI.

“Të dashur bashkëkombës, kudo ku ndodheni çdo udhëtim i madh nis me një hap. Çdo shpresë nis me një ëndërr që bëhet realiteti. Udhëtimi ynë i përbashkët për të ndryshuar Shqipërinë fillon sot. Koalicioni ynë, PD dhe LSI ka bashkuar të gjitha forcat për të garantuar që 25 prilli të jetë drita e ndryshimit. Pas 8 vitesh ndryshim, 8 vite premtime bosh, ndërsa vende të ngjashme me ne kanë përparuar, ka ardhur koha që të ndryshojmë. Ne do të sjellim ndryshimin. E shoh shpresën dhe optimizmin tuaj, e ndjej entuziazmin se bashkë me pranverën po vjen dhe dita e shumë pritur. Në emrin tim dhe të PD-së, koalicionit tonë, angazhohem se nuk do t’ju zhgënjej, se do të punojmë se bashku duke bashkuar forcat për të sjellë një të ardhme të mirë për çdo shqiptar. Ne e dimë të vërtetën, njerëzit tanë janë të fortë, shqiptarët janë të fortë, por Shqipëria meriton një të ardhme më të mirë.” – u shpreh Lulzim Basha, kryetar i PD.

Pas kësaj marrëveshje dy drejtuesit kryesor të opozitës u angazhuan për një fushatë derë më derë për të ndihmuar shqiptarët në rikthimin e shpresës.

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.