PD mbyll fushatën në Kavajë – Basha: Do të ndezim motorin e ekonomisë
Në takimin përmbyllës të prezantimit të programit të tij elektoral në Kavajë, Basha ka premtuar edhe një herë rimëkëmbjen e ekonomisë së vendit.
Sipas Bashës nuk mund të ketë rritje të ekonomisë siç e mendon kundërshtari i tij politik Rama.
Basha ka premtuar uljen e taksave, rritjen e pensioneve , punësimin e sigurt si dhe subvencionet për fermerët.
“Kemi ekipin fitues me plan ekonomik që ka mbështetjen ndërkombëtare. Ky është i vetmi plan që ka prioritet prioritetet tuaja, që jep zgjidhje për problemet tuaja. Rama e di që këto zgjedhje shqiptarët do ta marrin vendimin për veten e tyre. Ai e ndjen se ky bashkim i madh është i pamposhtur. Nuk ka vend për krimin e korrupsionin në këtë vend. Nuk mund të ketë ekonomi të fortë me naftë të shtrenjtë, rritje tarifash për studentët, ulje subvencionesh”.
Basha ka kërkuar që çdo qytetarë të vendosë në 25 qershor për të ardhmen e vendit, duke bërë zgjedhjen e duhur për të mundësuar ndezjen e motorit të ekonomisë së vendit.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.