PD për Vettingun në Politikë – Basha: Është i njëjti formulim ligjor si për gjyqtarët, prokurorët dhe policët
Kreu i partisë demokratike Lulzim Basha ka hedhur poshtë pretendimet e mazhorancës se do i takojë 2 institucioneve që do të dalin nga reforma në drejtësi që të largojë politikanët e korruptuar. Në një bashkëbisedim me gazetarët, kryetari i Partisë Demokratike, shpjegoi nismën e opozitës për vettingun në politik, teksa theksoi se është i njëjti formulim ligjor si për gjyqtarët, prokurorët dhe policët.
Kreu i PD u shpreh më tej se s’do të ketë më trajtim special për politikanët.
Më tej Basha sqaroi se Vettingu në politikë që ai dhe forca e tij politike kërkon, ndryshon nga dy institucionet që do të ngrihen nga reforma në drejtësi, Struktura e Posaçme Kundër korrupsionit dhe Krimit te organizuar dhe Byroja Kombëtare e Hetimit. Basha nënvizoi se këto dy institucione nuk marrin dot masë ndaj tyre nëse nuk i gjen me shkelje. Ndërsa Vettingu i spastron politikanët e korruptuar .
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.