PD reagon për hapjen e shkollave, Vokshi: Nuk ka masa për dezinfektim, qeveria në kaos
Partia Demokratike ka reaguar pas lajmit se shkollat do të hapen në muajit shtator. Në një komunikim me mediat Albana Vokshi, tha se mos shtimi buxhetit dhe mos pasja e një protokolli të saktë e bën tejet të rrezikshëm një vendim të tillë.
”Kemi disa ditë që reagojmë për atë që nuk ka plan. Është vetëm një datë, 14 shtator si fillim i vitit shkollor. Shahini dhe Manastirliu dështuan për detajet. Sot është 19 gusht, jemi 3 javë e gjysmë para fillimit të vitit të ri shkollo ku më shumë se 600 mijë fëmijë i drejtohen dyerve të shkollave, por s’ka udhëzim. Si do veprohet në shkolla. Ministria gjatë gjithë verës duhet të ishte marrë me këtë punë.
Të studionte mësimin online, që tani ra, pra këto janë shqetësimet që kemi ngritur ne. Ditët e fundit kemi marrë me dhjetëra telefonata, e-mail, mesazhe nga mësues e prindër të shqetësuar, anksiozë, se nuk e dinë çdo bëhet. S’ka gjë më të shtrenjtë se jeta e fëmijëve. Ky është shqetësimi im dhe i PD. Do e denoncojmë çdo mosreagim të qeverisë. Prindërit pothuajse të gjithë janë që fëmijët të shkojnë në shkolla. Pikërisht, sepse unë jam prind vetë dhe pavarsisht se shpenzova shumë më tepër orë me vajzat për mësim online. Mësimi online duhet të jetë alternativa e fundit.
Të plotësohen ato që kërkon PD, por shumë shkolla nuk kanë ujë të rrjedhshëm në shkolla, sapun, higjiena është kryesorja. Si mund ta çosh fëmijën në to. Ka disa javë që ministri i arsimit në Itali, që ka dhënë udhëzuesin e detajuar. I është shpërndarë gjithë shkollave, prindërve dhe fëmijëve. Janë masat që duhet të marrin Bashkitë, institucionet arsimore etj. Kush është arsyeja që MASR nuk ka shifra, sa është sipërfaqja totale e ambienteve të brendshme apo të jashtme shkollore, sa nxënës janë? Fare mirë modeli Italian mund të aplikohet këtu”. – u shpreh Vokshi.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.