PE: Të hapen negociatat me Shqipërinë. Eurodeputetja Santos: Politika e polarizuar, por ka progres
Parlamenti Europian vijon të jetë një mbështetës i integrimit të Shqipërisë në Bashkimin Europian. Në seancën e sotme eurodeputetja dhe raportuesja për Shqipërinë Elisabet Santos ka paraqitur draft raportin ku bën thirrje për hapjen e negociatave dhe vijimin e rrugës së integrimit.
“Partitë politike kanë punuar shumë për të arritur në një marrëveshje. Palët arritën të tejkalojnë ndasitë. Shqipëria ka ngelur mbrapa në rrugën e integrimit dhe kjo është dekujaruese për vendin dhe Ballkanin. Vendi është tejet i polarizuar, por ne nuk duhet të ndërhyjmë në të. Në Draftin që kam propozuar ka dy linja logjike. Kërkesat që ne I kemi për vendin duhet të vazhdojnë. Vazhdoj të kem disa shqetësime. Jam e shqetësuar për përfshirjen e shoqërisë civile në procesin politik. Duhet të vazhdojë lufta ndaj korrupsionit. Reforma gjyqësore duhet të përmbushet dhe për këtë të gjitha palët janë të vetëdijshëm.”
Në të njëjtën linjë ishin edhe eurodeputët tjerë që kërkuan më shumë angazhim nga politika, sidomos në ngritjen e gjykatës kushtetuese dhe forcimin e shtetit të së drejtës. Ndërkohë, eurodeputetët francez ishin me skeptik për integrimin duke e lidhur Shqipërinë edhe me situatën e Kosovë.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.