Peleshi: Pas një viti të gjitha markatat në vend, të rikonstruktuara
Projekti i markatës së re të Korcës, e cila është konceptuar jo vetëm si një pikë që forcon ekonominë lokale, por edhe një atraksion turistik është prezantuar në qytetin juglindor ndërsa së shpejti pritet të nisin punimet për ndërtimin e saj.
Të paktën 170 tregtarë do të operojnë me aktivitetin e tyre në këtë markatë, e cila sipas zv.kryeministrit Niko Peleshi sjell një koncept të ri ku trashëgimia industriale ndërthuret me bashkëkohoren. Sipas tij, ky projekt se bashku me shume projekte të tjera në vend të cilat kanë përfunduar ose janë në proces kthejnë në vëmendje modelin e rikualifikimit të zonave urbane dhe ofrojnë mundësi të shumta për ngritjen e ekonomisë së qyteteve tona.
Markata e Korçës, një investim i përbashkët i Bashkisë Korçë, projektit IADSA dhe Agjencisë së Zhvillimit Ekonomik Rajonal – RED do të pozicionohet tek ish zona e UMB dhe synon mes të tjerash edhe promovimin e produkteve autentike bujqësore të të gjithë rajonit juglindor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.