Pemë falas për të trajtuar ndryshimet klimatike – Uellsi ndërmerr nismën e veçantë për të gjithë popullsinë

Gjatë vitit të ardhshëm, çdo familjeje në Uells do t’i ofrohet një pemë falas për të mbjellë, si pjesë e planeve të qeverisë së Uellsit për të trajtuar ndryshimet klimatike.

Njerëzit mund të zgjedhin ose një pemë të tyren për të mbjellë, ose të zgjedhin të mbjellin një pemë në emër të tyre.

Pemët e para do të jenë të disponueshme për t’u mbledhur nga një nga pesë qendrat rajonale të komunitetit që do të krijohen nga marsi i vitit të ardhshëm, me 20 qendra të tjera që do të ngrihen deri në tetor 2022, si pjesë e skemës që drejtohet me Woodland Trust.

Qeveria po argumenton se mbjellja e më shumë pemëve nuk është vetëm thelbësore për të ndihmuar në shmangien e ndryshimeve katastrofike klimatike, por gjithashtu do të rrisë mirëqenien e qytetarëve dhe do të krijojë vende pune të gjelbra.

Ministri i ndryshimeve klimatike, Lee Waters beson se iniciativa mund të ndihmojë, por nevojiten akoma më shumë pemë në betejën kundër krizës globale klimatike.

Një proces konsultimi do të nisë në fillim të vitit 2022 mbi planet për të krijuar një Pyll Kombëtar në Uells, sipas ministrit.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.