Pensionet, procedura se si mund të informoheni për masën e përfitimit. Dokumentet që duhet të dorëzoni dhe hapat që ndiqen
Nëse jeni i interesuar të dini sa është pensioni që ju takon në bazë të ligjit atëherë mund të informoheni zyrtarisht online përmes portalit E-Albania.
Kështu çdo person që ka arritur moshën e pensionit dhe përfiton në bazë të ligjit, mund të marrë informacionin e saktë në E-Albania, në shërbimin “Pensioni im”(https://e-albania.al/sherbimi.aspx?kodi=381) kundrejt një dokumenti identifikimi dhe regjistrimit në portal.
“Informacioni që ju merrni pasqyron përfitimin e masës së pensionit sipas kritereve të ligjit nr. 7703, datë 11.5.1993 “Për sigurimet shoqërore në Republikën e Shqipërisë”, të ndryshuar).
Shërbimi ofrohet 24h/7 dhe mund të merret nga çdo pikë aksesi në internet.
Dokumentacioni i nevojshëm
Kështu për marrjen e shërbimit personat duhet të depozitojnë:
Dokumentin e dentifikimit të përdoruesit: kartë identiteti ose pasaportë biometrike (i nevojshëm për t’u loguar në portalin e-Albania).
Hapat e procedurës
Për të përdorur shërbimin mjafton të regjistroheni si qytetar në portal dhe të përdorni shërbimin. Kështu sipas njoftimit të E-Albania, shërbimi mund të merret menjëherë dhe pa kosto. Për më shumë informacion vizitoni faqen tonë: www.issh.gov.al ose telefononi falas: 0800 7007.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.