Përballimi i krizës së energjisë nga bizneset – Jaka: Qeveria ka pranuar disa kërkesa, në diskutim rritja e kapacitetit të paneleve diellore
Përfaqësuesit e biznesit kanë arritur dakordësi me qeverinë për disa nga kërkesat e parashtruara prej tyre, për të përballuar situatën e vështirë të krijuar nga rritja e çmimit të energjisë elektrike. Kreu i Dhomës së Tregtisë dhe Industrisë, Tiranë Nikolin Jaka bën me dije për TV SCAN disa nga pikat e dakordësuara, ku ndër të tjera përfshihet edhe balanca vjetore për energjinë e vetëprodhuar nga panelete fotovoltaike, duke ndryshuar skemën aktuale mujore që aplikohet aktualisht.
Paralelisht Jaka thotë se është kërkuar lehtësim proceduarsh për dhënien e lejeve për instalimin e panaleve diellore për prodhimin e energjisë, për nevoja autokonsumatore.
Ndërkaq, një nga kërkesat për të cilën nuk është arritur edhe një dakordësi është rritja e kapacitetit të lejuar për instalim, që aktualisht është 0.5 MW.
Vendimet përfundimatre të grupit të përbashkët të punës mes qeverisë dhe biznesit do të bëhen publike në fund të muajit prill.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.