“Përçarje” në Mbretërinë e Bashkuar / Skocia dëshiron ti bashkohet BE-së, Donald Tusk i “inkurajon”
Ish presidenti i Këshillit Evropian Donald Tusk thotë se Brukseli ndjen “empati” ndaj një Skocie të pavarur që do të bashkohet me Bashkimin Evropian.
Nicola Sturgeon ka thënë se një Skoci e pavarur do të kërkonte anëtarësimin e plotë në BE.
Kur u pyetën nëse kjo do të shikohej në mënyrë të favorshme, Z. Tusk tha, “emocionalisht nuk kam asnjë dyshim se të gjithë do të jenë entuziast”.
Kjo deklaratë erdhi ndërsa liderët e tjerë evropianë shprehën trishtimin për Mbretërinë e Bashkuar që po largohej nga BE-ja.
Presidenti francez Emmanuel Macron tha se ai ishte “thellësisht i trishtuar” ndërsa Guy Verhofstadt i BE u zotua të përpiqet dhe “të sigurojë që BE është një projekt që ju do të dëshironi të jeni përsëri pjesë”.
Por Z. Tusk paralajmëroi që çdo ofertë e ardhshme hyrëse nga ana e një Skocie të pavarur nuk do të pranohet automatikisht.
Komente të Z. Tusk vijnë pasi paraardhësi i tij, Herman Van Rompuy, vitin e kaluar tha se ai beson se Brexit ka ndryshuar qëndrimet e BE për pavarësinë Skoceze.
Qeveria e Mbretërisë së Bashkuar nuk i mbështet thirrjet e qeverisë skoceze për një tjetër referendum pavarësie ose ribashkimi të BE-së në çfarëdo forme.
Britania zyrtarisht u largua nga Bashkimi Evropian të Premten pas 47 vitesh anëtarësim, dhe më shumë se tre vjet pasi votoi për ta bërë këtë në një referendum.
Skocia votoi në favor të Mbretërisë së Bashkuar të qëndronte në BE me 62% kundrejt 38% në 2016.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.