Përditësimi i ri i sistemit operativ të Apple “bllokon” policinë të hyjë në të dhënat e telefonave
Apple konfirmoi ditën e mërkurë se version i ardhshëm i sistemit operativ të iPhone dhe iPad do të bllokojë të vetmen mënyrë që policia kishte për të hyrë në telefonat e të dyshuarve kriminalë dhe objektivat e operacioneve të sigurisë në mbarë botën.
Në deklaratën e ditës së mërkurë, për mbrojtjen Apple tha se ka respektin më të madh sa i përket zbatimit të ligjit dhe se këto përditësime nuk janë me qëllim pengimin e përpjekjeve të tyre për të bërë punën.
“Ne vazhdimisht po forcojmë mbrojtjen e sigurisë në çdo produkt të Apple për të ndihmuar klientët të mbrohen nga hakerat, hajdutët e identitetit dhe ndërhyrjet në të dhënat e tyre personale”.
Më parë agjencitë përkatëse ligjzbatuese, me anë të një hardueri mund të thyenin kodin e të hynin në këto pajisje por tashmë me këtë përditësim të ri, kjo nuk do të jetë më e mundur.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.