Përdori publikisht ‘porcionin magjik’ kundër COVID-Ministrja e Shëndetësisë infektohet nga virusi! Receta ‘hyjnore’: Mjaltë dhe arra moskat

Muajin e kaluar, mijëra persona u rreshtuan në qytetin Kegalle në Sri Lanka për të marrë një dozë nga ‘porcioni’ që sipas ministes së Shëndetësisë, mbronte nga Covid. Sot, është publikuar lajmi se vetë përgjegjësja e shëndetësisë, Pavithra Wanniarachchi, ka rezultuar pozitive me Covid pas dy testimeve dhe pasi ishte izoluar.

Produkti i prezantuar si ilaç kundër Covid,sipas ANSA,  ishte një shurup me bazë mjalti dhe arre moskat, që vetë prodhuesit pretendonin se kishte prejardhje hyjnore pasi vetë perëndesha hindu Kaali ua kishte diktuar duke iu shfaqur në endërr.

Një recetë për të shpëtuar njerëzimin nga koronavirusi i ri , pa bazë shkencore ama, por që deri edhe vetë ministrja e Shëndetësisë e kishte ‘përqafuar’, pa e ditur se do të ishte pikërisht ajo që do të faktonte inefikasitetin e saj. Tani, pas infektimit të ministres, presidenti Gotabaya Rajapaksa ka vrapuar drejt zgjidhjes shkencore: ka njoftuar se vendi do të marrë nga India dozat e para të vaksinës AstraZeneca këtë të marte.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.