Përdorimi i hidrogjenit për energji / Kërkesa në Evropë pritet të arrijë në 2,300 TWh deri në vitin 2050
Kërkesa për hidrogjen nga burimet e rinovueshme në Bashkimin Europian dhe Britani deri në vitin 2050 mund të arrijë në 2,300 terravat në orë dhe në atë fazë do mbulojë 20-25% të totalit të konsumit të energjisë, sipas grupit “Kolona Europiane e Hidrogjenit”. Rajoni konsumon aktualisht rreth 300-350 terawatt në orë të të ashtuquajturit hidrogjen “gri” nga qymyri dhe gazi natyror në procese industriale si rafinimi dhe prodhimi i amoniakut. Europa synon jo vetëm të zëvendësojë këto përdorime me hidrogjen të “gjelbër” të bazuar në elektrolizë nga Dielli dhe Era, por planifikon edhe të përdorë hidrogjen të gjelbër në disa apliklime të energjisë dhe industriale. Kapaciteti i elektrolizës pritet të rritet në 40 gigawat këtë dekadë nga 1 gw aktualisht. Furnitorët e gazit synojnë veçmas për reduktime të emetimeve përmes projekteve të “hidrogjenit blu”, që prodhojnë hidrogjen nga gazi dhe ruajnë dioksidin e karbonit në fushat e shteruara të naftës nën Detin e Veriut. “Kërkesa totale e pritur për hidrogjen deri në 2050 mund të arrihet nga hidrogjeni i gjelbër i prodhuar në Britani dhe BE”- theksoi grupi, që përfaqëson operatorë të gazit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.