Përdorimi i maskave mbrojtëse – Sa efektive janë ato kundrejt përhapjes së viruseve?!
Çështja e efektivitetit të maskave mbrojtëse është një pyetje që shumë njerëz, nga Kina në Shtetet e Bashkuara e deri në Europë, ja kanë bërë vetes ditëve të fundit. Në nivelin e perceptimit publik, të paktën duke gjykuar nga përhapja e tyre masive në të gjithë botën, në përgjithësi të gjithë e vendosin atë pa ditur konkretisht se e vlefshme është ajo në mbrojtjen ndaj viruseve. Të besosh se ata janë vendimtarë për problemin e ngjitjes është po aq e gabuar sa të thuash se ato janë plotësisht të padobishme, sepse në realitet shkenca dhe ekspertët thonë se shumë varet nga modeli specifik, nga situata në të cilën përdoren dhe mbi të gjitha nga mënyra në të cilën përdoren. Në disa raste, siç do ta shohim, veshja e tyre madje mund të jetë kundër-produktive.
Duhet thënë, para së gjithash, se për momentin askund nuk ka rekomandime që sugjerojnë adoptimin e tyre, kjo sepse ngjitja është aq e ulët sa nuk kërkon veprime të veçanta parandaluese. Për më tepër, as Organizata Botërore e Shëndetit dhe as organet e veçanta kombëtare nuk kanë rekomanduar kurrë përdorimin e maskave, por kanë treguar masa të tjera paraprake. Megjithatë, në Kinë, miliona maska janë dërguar nga qeveria në Wuhan, dhe Komisioni Kombëtar i Sigurisë së Shëndetit ka mandatuar përdorimin e tyre për të gjithë punonjësit e kujdesit shëndetësor.
Por çfarë dimë dhe çfarë thotë shkenca për efektivitetin e këtyre pajisjeve mbrojtëse personale?
Dy lloje maskash kundër transmetimit të ajrit
Ditët e fundit, u mësua në lidhje me koronavirus 2019-nCoV se ai mund të transportohet dhe transmetohet me ajër, dhe se infeksioni mund të ndodhë edhe nga një person në tjetrin. Gjithashtu dimë se disa nga infeksionet e para ndodhën gjithashtu nëpërmjet ajrit, në tregun e peshkut në Wuhan. Në këtë kuptim, mbrojtja e hundës dhe gojës mund të duket, dhe në përgjithësi është, një strategji e mundshme për të zvogëluar probabilitetin e ngjitjes, të paktën në teori.
Në treg ka kryesisht dy lloje maskash.
Lloji i parë, i njohur si një maskë kirurgjikale, është më e thjeshta dhe përbëhet nga një grup shtresash prej pëlhure jo të endura që formojnë një pengesë të padepërtueshme për pikat e lëngshme, por të përshkueshme nga ajri, dhe zakonisht kapet në veshë me një brez të vogël elastik.
Lloji tjetër, i njohur gjithashtu si respirator i sigurisë ose maskë anti-ndotëse N95, është një pajisje më e sofistikuar e mbrojtjes individuale, e vërtetuar të jetë në gjendje të filtrojë të paktën 95% të grimcave të pezulluara në ajër, duke përfshirë praninë e mundshme të koronavirusit.
Edhe pse në pamje të parë do të duket potencialisht më e efektshme maska e dytë më shumë sesa maska e thjeshtë kirurgjikale, në realitet të dy llojet paraqesin një seri çështjesh kritike, pasi sipas New Scientist edhe në skenarin më të mirë “veshja e maskës mund të ndihmojë, por nuk garanton mbrojtje totale ndaj virusit”.
Maskat N95 njihen gjithashtu me shkurtimin Ffp3 (filtering face piece të nivelit të tretë), por në treg gjenden edhe Ffp2 (i cili garanton mbrojtje 89%) dhe Ffp1 (75%), me performancë të dukshme më të ulët. (wired)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.