Përdorimi i të dhënave personale, Ivi Kaso: “SPAK të veprojë me shpejtësi për të dënuar përgjegjësit”
Ivi Kaso, Sekretar për çështjet zgjedhore në PD si dhe kandidat i Partisë Demokratike në qarkun e Tiranës, ka folur për emisioni Argument ku ka sqaruar kërkesat e demokratëve lidhur me çështjen e të dhënave personale
“Marrja e të dhënave, të gjitha atyre që disponon AKSHI, ato janë bërë publike por edhe të dhëna të tjera sensitive, lidhur me çdo zgjedhës, por jo vetëm, me çdo qytetar që disponohet nga portali e-albania është vënë në dispozicion të forcës politike që kontrollon këtë shtet.
Është e kundërligjshëm dhe duhet që organet e reja të drejtësisë sipas pritshmërisë së publikut, në radhë të parë të vënies së kredibilitetit të tyre dhe bërjes vërtetë funksionale duhet vënë në lëvizje shpejt për këtë rast, ku me sa na është thënë kallëzimi ynë shoqërohet edhe me provat e nevojshme për ta zbardhur sa më shpejt këtë aferë. ” – u shpreh Sekretari për Çështjet zgjedhore.
Enio Civici / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.