Përfitimet nga ndriçimi LED, Hakani: Kursejnë paratë publike dhe krijojnë autonomi financiare
Bashkitë e vendit duhet të orientohen drejt investimeve të qëndrueshme, që jo vetëm ruajnë mjedisin, por kursejnë para publike për investime të mëtejshme për qytetarët”. Lira Hakani, nga Qendra Mjedisore “EDEN” thotë se aktualisht ekzistojnë edhe investime konkrete, sikurse është zëvendësimi i ndriçimit rrugor dhe i godinave publike në Bashkinë e Hasit me llamba led, që tregojnë përfitimet afatgjata.
Hakani sjell edhe të dhëna konkrete, në drejtim të reduktimit të afturës së energjisë, por edhe të kohës së kthimit të investimit, që është relativisht e shkurtër. Reduktimi i shpenzimeve në këtë drejtim, sipas Hakanit siguron edhe autonominë e bashkive e nga ana tjetër i hap rrugë investimeve të tjera të qëndrueshme.
Investimet e qëndrueshme janë pjesë e ekonomisë së gjelbër, që aktualisht është një koncept relativisht i ri e ku mjedisi nuk shërben si pengesë, por si shtysë për të rritur ekonominë.
Ola Mitre/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.