Përfitimet nga BE – Rama: Jemi një hap larg çeljes së negociatave
Takimet e zhvilluara në Forumin Ekonomik të Davos kanë qenë shumë pozitive për rajonin dhe në veçanti për Shqipërinë. Kështu është shprehur kryeministri Edi Rama, gjatë mbledhjes së Grupit Parlamentar të PS. Sipas tij, tashmë është e qartë se Shqipëria është vetëm një hap pranë çeljes së negociatave, pasi vendi ynë ka bërë progres edhe në përmbushjen e 5 prioriteteve dhe vijimin e reformave të nisura.
Kryeministri ka cilësuar si shumë të rëndësishme dy pika, përfitimin nga fondet e BE për zonat rurale, si dhe reformën e ujit të pijshëm.
Gjithashtu kreu i qeverisë bëri më dije edhe bisedimet me kryeministrin grek dhe atë cka pritet në ridimensionimin e marrëdhënieve dypalëshe, si dhe vazhdimin e axhendës qeveritare dhe parlamentare në kuadër të reformës në drejtësi.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.