Performanca e arit vazhdon pozitive. Prek nivelin e lartë 2-javor prej planit të stimujve në SHBA
Ari është rritur në sesionin e ditës së Enjte, duke prekur nivelin më të lartë në 2 javë, ndërkohë që dollari është tërhequr, prej perspektivës së më shumë stimujve ekonomikë nën administratën e Joe Biden. Fuqizimi i mëtejshëm i metalit të çmuar u kufiza nga që investitorët mbyllën pozicionet për të marrë fitimin. Norma spot e arit urit në 1,873 dollarë për onz, pasi preku nivelin më të lartë që prej datës 8 janar. Që prej sesionit të së Mërkurës, ari ka shtuar 1.7% të vlerës. Metali i çmuar ka një perspektivë pozitive në horizont, pasi bankat qendrore në botë pritet të qëndrojnë në gatishmëri për stimuj për një periudhë të zgjatur.
Tregu është përqendruar gjithashtu tek paketa e stimujve prej 1.9 trilionë dollarë të premtuar nga Biden, ndërkohë që përpiqet të rimëkëmbë ekonominë nga kriza e Covid-19. Ari konsiderohet si një mbrojtës kundër inflacionit, që mund të vijë si pasojë e masave të stimujve ekonomikë. Dollari ra me 0.2% kundër valutave rivale, dhe titujt 10-vjeçare të borxhit në Amerikë ranë poshtë majës 10-mujore që prekën javën e kaluar. Interesat më të lartë rrisin koston oportune në mbajtjen e arit në portofol, pasi metali nuk mbart një normë të interesit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.