Performanca e bankave amerikane – IIF: Priten të ardhura rekord në 2021 prej rimëkëmbjes nga pandemia
Bankat amerikane pritet të raportojnë nivele rekord të të ardhurave në vitin 2021, ndërkohë që ekonomia rimëkëmbet dhe tregjet financiarë qëndrojnë të fortë, sipas Institutit të Financave Ndërkombëtare. Tim Adams, ekezkutivi i Institutit, tha se rimëkëmbja ekonomike do ndihmojë huadhënien bankare dhe të ardhurat nga tarifat, ndërkohë që dhe aktiviteti më i lartë investimit do rrisë të ardhurat nga tregtimi.
“Mendoj se do ketë të ardhura rekord dhe ky do të jetë një vit i mirë për bankat. E shohim këtë tek aksionet bankare dhe mendoj që reflektojnë themelet e forta për pjesën e mbetur të vitit” – tha Adams. Aksionet e bankave në SHBA janë rritur këtë vit. Ndër to, aksionet e Goldman Sachs janë rritur me 40.8% deri më tani për vitin, ndërsa Bank of America dhe JP Morgan, kanë shtuar 40.4 dhe 29.3% në mënyrë respektive.
Shumë prej bankave të mëdha amerikane raportuan në muajin e kaluar të ardhurat për tremujorin e parë, që kaluan pritshmëritë e analistëve në disa metrika financiare. Përmirësimi i performancës së bankave vjen ndërkohë që ekonomia amerikane rimëkëmbet nga rënia e Covid-19. Kjo rimëkëmbje ka rritur pritshmëritë tek investitorët se rritja e infalcionit mund të nxisë Rezervën Federale që të tkurrë politikat monetare më herët. Indeksi i Çmimit të Konsumit në SHBA u rrit me 4.2% në Prill me bazë vjetore, që është rritja më e madhe që prej vitit 2008. Megjithatë, Rezerva Federale ka thënë më parë se rritja e inflacionit mund të jetë e përkohëshme, duke marrë parasysh se krahasohet me vitin e kaluar, ku kishte goditur pandemia.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.