Performanca e energjisë – “Përkeqësim në ndërtesat shëndetësore e arsimore, ligj për banesat ekzistuese”
Situata e eficencës së energjisë në institucionet arsimore dhe ato të shëndetit publik është përkeqësuar në 5 vitet e fundit.
Deklarata vjen nga drejtoresha ekzekutive e Qendrës Eden, e cila ishte e ftuar në studion e TV SCAN për të folur mbi studimin e performancës së energjisë në ndërtesa, i cili u shtri në 1954 subjekte familjare dhe institucione publike.
“Në ndërtesat me problematike dhe për të cilat duhet të jemi më të ndjeshëm janë institucionet e edukimit publike, shkollat dhe çerdhet dhe institucionet e shëndetit publik. Nëse flasim për qendrat shëndetësore, pra për spitalet, klinikat e ndryshme janë të prirura drejt investimeve termoizolimit, fatmirësisht. Megjithatë nuk janë të prirura, cilësia e ajrit nuk është në nivelet e duhura, cilësia e kornizave të dritares nuk është në nivelet e duhura”.
Sipas Mahmutajt ka vonesë në nxjerrjen e akteve nënligjore, të cilat e bëjnë të pazbatueshëm ligjet aktuale, ndërsa kërkon që një vëmendje t’i kushtohet ndërtesave ekzistuese, pasi ato janë jashtë fokusit, ndonëse përbëjnë numrin më të lartë të ndërtimeve.
Sipas studimit në 5 qytete, banesat e 5 viteve të fundit paraqiten me kushte më të mira lidhur me izolimin, praninë e xhamave dopio, mungesës së problemeve me mykun dhe përputhshmërisë së dritareve dhe dyerve që pengojnë kalimin e rrymave të ajrit.
Ndërkohë që, në institucione ndërtesat e Administratës publike kanë nivelin më të lartë të mungesës së izolimit, duke mos patur diferencë shumë të ndjeshme me institucionet e edukimit publik.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.