Performon në violinë gjatë operacionit! – Pacientja luan Mahler dhe Gershwin, ndërsa i hiqej tumori në tru
Një paciente në një spital në Britani, luajti pjesë muzikore nga Mahler dhe Gershwin në violinë, ndërkohë që kirurgët hiqnin tumorin nga truri i saj, në mënyrë që të ruanin aftësinë e saj për të luajtur dhe pasionin 40-vjeçar për instrumentin muzikor. Dagmar Turner luajti në violinë gjatë operacionit për të hequr tumorin nga lobi frontal i djathtë, që është afër zonës që kontrollon lëvizjen e rregullt të dorës së saj të djathtë. Turner i kërkoi mjekëve që të ruanin aftësinë e saj për të luajtur muzikë dhe pasionin e saj për violinën.
Për të parandaluar dëmet tek aftësia e saj në violinë, profesori Keyoumars Ashkan, konsulent neurokirurg tek spitali “King’s College”, arriti në përfundimin se ajo duhej të luante ndërsa hiqej tumori. Ndërkohë që kirurgët bënin punën e tyre, Turner luajti pjesë nga Gustav Mahler dhe pjesën klasike të xhazit “Summertime” nga George Gershwin. Ashkan tha se ishte hera e parë që një paciente luante një instrument muzikor ndërsa performohej operacioni. Procedura rezultoi me sukses, duke hequr mbi 90% të tumorit, përfshirë zonat agresive dhe duke ruajtur funksionin e dorës së saj të majtë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.