Përfundon takimi Bushati – Kotzias – MJP: Ekipet përparim thelbësor në zgjidhje të qëndrueshme dhe afatgjata
Takimi tre ditor i ministrave të Punëve të Jashtme të Shqipërisë dhe Greqisë, përkatësisht Ditmir Bushati dhe Nikos Kotzias ka përfunduar sot në mesditë.
Sipas deklaratës zyrtare të përbashkët të dy ministrive, çështjet bilaterale kanë qenë edhe fokusi i diskutimeve midis dy ministrave.
Ekipet bënë përparim thelbësor drejt arritjes së zgjidhjeve të qëndrueshme dhe afatgjata për çështjet e pazgjidhura ende, në vijimësi të takimit që u zhvillua në Kretë në nëntorin e vitit të kaluar, thuhet më tej në deklaratën e MPJ.
Në mbyllje, palët shprehën edhe angazhimin e tyre për të ndjekur dialogun edhe në muajt në vijim.
“Diskutimet u zhvilluan në një atmosferë miqësore dhe konstruktive dhe të dyja palët përsëritën angazhimin e tyre për të ndjekur më tej dialogun në të gjitha nivelet në muajt në vijim.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.