Përgatitjet e fundit për Tiranë e Durrës! Pas Beratit e Korçës, edhe Fieri fik analogun e kalon në transmetime numerike!

Pas qarkut të Beratit dhe Korçës, tashmë dhe në atë të Fierit, Autoriteti i Mediave Audiovizive (AMA) njofton se ka përmbyllur procesin e dixhitalizimit të transmetimeve televizive.

“Në të gjithë qendrat administrative të qarkut u fikën transmetimet analoge dhe janë në funksion transmetimet numerike të operatorit publik, RTSH, si dhe të operatorëve privatë kombëtarë: Digitalb, Klan TV, Top-Channel, Vizion+ dhe Adtn. Qytetarët e Fierit, por dhe vizitorët dhe turistët që e kanë zgjedhur qarkun si destinacion të përkohshëm, tashmë falë infrastrukturës teknologjike të re dixhitale, kanë akses që të ndjekin gjatë gjithë kohës rreth 30 programe pa pagesë, të  operatorit publik apo atij privat” njofton Ama.

Në vijim të procesit dixhitalizimit të transmetimeve televizive, AMA njofton se është duke bërë përgatitjet e fundit për zbatimin e këtij projekti shumë të rëndësishëm dhe jetik për publikun në qarqet Tiranë e Durrës

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.