Përgjegjësia sociale e bankave, 370 mln lekë kontribut dhe 15 mld lekë kredi në vitin 2019
Sektori bankar shqiptar dha vitin e kaluar 370 milionë lekë kontribute direkte, në kuadrin e misionit të përgjegjësisë sociale. Raporti i përgjegjësisë sociale nga Shoqata Shqiptare e Bankave jep si çdo vit një përmbledhje të kontributit të këtij sektori për komunitetin dhe grupe të veçantë sociale, në përputhje edhe me 17 objektivat e zhvillimit të qëndrueshëm.
Mbështetur në raportin e vitit 2019, sektori bankar dha vitin e kaluar 15 miliardë lekë kredi, të lidhur pikërisht me objektivat e zhvillimit të qëndrueshëm, objektiva që përfshijnë uljen e varfërisë, mbështjen e shëndetit, arsimit, miirqenies, barazisë gjinore, mbrojtjen e mjedisit, etj.
Objektivi i luftës ndaj varfërisë dhe urisë në huadhënie është sidomos i lidhur me financimin e fermerëve dhe agrobiznesit. Për vitin 2019, bankat tregtare dhanë 593 kredi në këta sektorë, për një vlerë totale prej 2.4 miliardë lekësh.
Një nga sektorët që ka gjetur mbështetje të gjerë nga sektori bankar në vitet e fundit është a ii energjisë rinovueshme, kryesisht me qëllim ndërtimin e HEC-eve të reja. Vitin e kaluar u dhanë 69 kredi të reja, për një vlerë totale prej 1.9 miliardë lekësh. Portofoli i kredisë së sektorit bankar në projektet e energjisë së rinovueshme ka arritur në 16.8 miliardë lekë.
Vitin e kaluar, sektori bankar dha gjithashtu 1.2 miliardë lekë ose rreth 10 milionë euro në 91 kredi për investime në institucione shëndetësore.
Objektivi i barazisë gjinore mbështetet kryesiht përmes financimit të ndërmarrjeve të vogla dhe të mesme që drejtohen nga gratë. Vitin e kaluar u dhanë 289 kredi me një vlerë totale prej 1.24 miliardë lekësh.
Ersuin Shehu / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.