Përgjysmimi i tarifave – Shahini: Kemi vënë buxhetin në dispozicion të universiteteve
Ministria e Arsimit, Besa Shahini, në një deklaratë për mediat ka bërë të ditur se qeveria në përmbushje të kërkesave të studentëve , ka ndarë buxhetin për tarifat duke e konkretizuar kështu këtë pikë. Sipas ministres, Shahini buxheti tashmë është vënë në dispozicion të universiteteve.
Qeveria ka ndarë buxhetin dhe e ka vënë atë në dispozicion të universiteteve shtetërore me qëllim përgjysmimin e tarifave për studentët. Këtë gjë ka bërë publike ministrja e Arsimit, Besa Shahini, gjatë një deklarate për mediat, duke shtuar se ata studentë që e kanë paguar tarifën e plotë do të rimbursohen.
Për ata studentë, të cilët janë përfitues të bursave por që ende nuk kanë përfunduar dokumentet e aplikimit, do të kenë më shumë kohë në dispozicion se afati i mëparshëm, që ishte vendosur 31 janari.
Ministrja u bëri apel sekretarive të universiteteve të cilët kanë qenë të bllokuar për shkak të protestës që të vijojnë punën, ndërsa u kërkoi universiteteve të zëvendësojnë orët e humbura për studentët.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.