Përkeqësimi i shëndetësisë – PD: Është shtrenjtuar, janë dhënë me koncesion 385 mln euro
Sektori i shëndetësisë është një nga sektorët i cili ka performancën më të ulët për qytetarët. Sipas KLSH-së, mungesa e specialiteteve pranë shërbimeve në spitalet rajonale dhe bashkiake, si dhe mungesa e performancës së shërbimit parësor, ka krijuar rritjen e kostove dhe përqendrimin e pacienteve në qendrën më të madhe universitare, QSUT. Duke marrë shkasë nga kjo deklaratë e Kontrollit të Lartë të Shtetit ka bërë një dalje për mediat deputetja e PD-së Lindita Metaliaj.
Sipas Metaliaj dhënia me koncesion e shëndetit të shqiptarëve është arsyeja kryesore e përkeqësimit të përditshëm te shëndetësisë. Janë te paktën 385 milionë euro që paguhen nga taksat tona për 4 koncesione më shëndetësi.
Më tej deputetja e PD-së i është referuar spitalit rajonal të Lezhës,ku ka renditur një sërë mungesash që nuk janë vetëm në pajisje dhe mediakmente por edhe në mjek. Në këtë spital mungojnë anatomo- patholog, hematolog, mjeku ortoped-traumatolog, mjeku anestezist, mjeku neurollog e psikiatër si dhe mungojnë dhe kirurgët.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.