Përmbytjet, bizneset në gjykatë – Kompanitë kanë nxituar të sigurojnë privatisht provat e dëmeve
Disa prej bizneseve të mëdha të pozicionuara në Autostradën Tiranë-Durrës kanë nxituar t’i drejtohen gjykatës për të siguruar provat e dëmeve nga përmbytjet e mbrëmjes së 30 nëntorit. SCAN ka zbardhur të paktën tre kërkesa, nga kompani mjaft të mëdha, të cilat kanë evidentuar dëmet me vlerësues privatë dhe i janë drejtuar gjykatës t’i sigurojë ekspertizat në cilësinë e provës.
Në këtë mënyrë bizneset nuk ua lënë në dorë autoriteteve shtetërore vlerësimin e dëmeve nga përmbytjet dhe përcaktimin e dëmshpërblimeve përkatëse.
Bizneset i janë referuar neneve 292 -296 te Kodit te Procedurës Civile, të cilët japin mundësinë e sigurimit të provës në ato raste kur ajo ka rrezik të zhduket ose të vështirësohet.
“Kërkojmë Sigurimin e provës, duke here këqyrjen, përcaktimin e gjendjes fizike dhe vlerën e dëmeve të shkaktuara nga përmbytjet ne ambientet dhe pasuritë e kërkuesve të ndodhura në Autostradën Tiranë-Durres km 10, nëpërmjet një eksperti vlerësues dëmesh”, thekson në kërkesën drejtuar gjykatës një prej kompanive.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.