Përmirësimi i sektorit energjetik – Balluku: Ndërhyrje për 10-vjeçarin. Në 2020-ën, OST investime në vlerën 7.65 miliard lekë
Investimet aktuale në sektorin energjetik do të ndikojnë sektorin për një periudhë 10-vjeçarm, ndërsa fokusi kryesor është ulja e humbjeve në rrjet. Ministrja e Infastruktrës dhe Energjisë, Belinda Balluku pa nga afër investimin 1 milion USD në nënstacionin e Ibës, ku u bë zëvendësimi i pajisjeve të amortizuara, me pajisje të reja.
“Po bëhen çdo ditë dhe më shumë investime të rëndësishme, të cilat do të ndikojnë minimalisht edhe për një dekade, pasi janë të mirë studiuara dhe është shumë e rëndësishme për ne, që të ofrojnë edhe më shumë mundësi për akomodimin e kapaciteteve, të cilat do jenë të nevojshme në të ardhmen. Mos harrojmë faktin, që synimi jonë kryesor, i cili padyshim i takon shpërndarjes, por mbështetet edhe nga ju fuqishëm, është ulja e humbjeve në sisteme”.
Investimi i Operatorit të Sitesmit të Transmetimit rrit cilësinë e furnizimit me energji për 5000 abonentë, ndërkohë që në vitet në vijim do t’i shërbejë edhe industrializimit të zonës.
Nga një nënstacion fundor tashmë bëhet një nënstacion, që është një nyje transformuese, e cila do furnizojë zonat përreth, por njëkohësisht do të lehtësojë çdo akomodim të mundshëm, që mund të ndodhë gjatë punëve operative. Është ndryshuar totalisht gjithçka nga ana 110-she. I gjithë investimi është bërë që këtu të kemi sigurinë e transmetimit dhe kjo siguri transmetimi do ndihet shumë në të gjithë konsumatorët”.
Paralelisht, për vitin 2020 Operatori i Sistemit të Trasnmetimit ka planifikuar investime në vlerën e 7.65 mld lekë për vitin 2020. Sipas dokumenteve 4.47 mld lekë janë investime me financime të huaja, ndërkohë që rreth 3 mld lekë do të financohen nga burimet e veta të shoqërisë. Financimet e shoqërisë kanë pësuar një tkurrje prej 104.2 mln lekësh në raport me parashikimet fillestare për shkak të tërmetit të 26 nëntorit. Sipas OST ka qenë Ministria e Financave dhe Ekonomisë që ka udhëzuar kufizimin e shpenzimeve dhe investimeve gjatë vitit 2020.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.