Përmirësohen financat italiane – Borxhi neto ndaj BQE bie me 7 mld euro në një muaj
Borxhi i qeverisë italiane ndaj Bankës Qendrore Europiane ra ndjeshëm gjatë muajit Qershor, pasi preku një nivel rekord maksimal muajin paraardhës, kur kapitali u largua në mënyrë të frikshme nga ekonomia e tretë më e madhe e Eurozonës.
Kështu, borxhi neto i Italisë ndaj Bankës Qendrore Europiane ra në 413.9 miliardë euro gjatë Qershorit, nga 421.6 miliardë euro që ishte gjatë muajit Maj, thotë Banka Qendrore e Italisë në një raport të fundit.
Financat italiane nuk janë në pozita të favorshme e për këtë arsye janë nën monitorim të vazhdueshëm. Rritja e detyrimeve sinjalizon një stres financiar.
Pozitat e Italisë u përkeqësuan ndjeshëm gjatë krizës së borxhit të Eurozonës ndërkohë që investitorët shitën pozicionet e tyre në borxhin e vendit.
Ndërkohë që Banka Qendrore Europiane ka vijuar me programin e blerjes së titujve, italianët duket se kanë preferuar asetet e huaja, duke iu larguar kështu yieldeve negative qeveritare.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.