Përmirësohet situata nga reshjet e shiut/ IGJEUM: ”Lumenjtë do vazhdojnë të kenë nivele të larta të prurjeve, por nuk priten probleme”

Situata në vend, e shkaktuar nga  intensiteti i lartë i reshjeve të shiut,  po shkon drejtë përmirësimit. Reduktimi i reshjeve në orët e fundit  ka sjellë stabilizim  në shumë zona të vendit  përfshirë edhe zonat  të cilat  kanë qenë  më problematike,  si Shkodra dhe Lezha. Sipas  Institutit të Gjeoshkencave , Energjisë, Ujit dhe Mjedisit nivelet  në lumenjtë  Drin dhe Buna do të vazhdojnë të jenë të larta  por me probleme lokale sa i takon përmbytjeve. Tërheqja e ujit  në shtratin e lumit Buna pritet të ndodh në dy ditët e ardhshme.

IGJEUM paralajmëron se pritet të ketë rritje nga prurjet  që vijnë nga jashtë territorit kryesisht në Lumin Vjosë  por  brenda kuotave maksimale të argjinaturave  pa shkaktuar dëme  në zonat përreth , ndërsa pritet një rënie e ndjeshme prurjeve ditën e mërkurë. Instituti  bënë  me dijë  se lumenjtë e tjerë në territorin e vendit,  do të vazhdojnë të kenë nivele të larta si pasojë e vazhdimit të reshjeve, por nuk priten probleme të shtuara  nga përmbytjet.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.